Автор - dsriga123
Әр адамның бойында өзіне тән өнері болады. Ол өнерді дамыту немесе дым қажетке жаратпай бос қалдыру әркімнің өз қолында. Жігітке жеті өнер де аз деген сөздің бір мағынасы сол өнерлерді өз бойынан тауып, оны дамытуға үндейді. Сол адамдар жастайынан өнерді үйренуді қолға алуы қажет, себебі уақыт өте келе адамның үйрену қабілеті төмендеп, даму қиындай түседі.
Ал өнерлі адамдар әрқашанда жоғары бағаланып халықтың мәңгі есінде қалады. Оған мысал ретінде, қазір біз баяғы заманның бай-ақсүйектерін емес, әнші-жыршыларын, сал-серілерін еске алатынымызды айтуға болады.
Оған қоса білім мен өнерді таусылмайтын азық деуге болады. Өнерді ешқандай апат жойып кете алмайды. Ал керісінше малды бір жұт, егінді бір құрғақшылық немесе қазіргі заманда бір саяси келіспеушілік байлықты жоққа шығаруы мүмкін.