Мәтінді оқып, жоспар құру.


Адамдарға әр уақытта ақша қажет екені белгілі. Ақша бизнесін дамыту үшін кәсіпкерлерге де, жаңа пәтер, автокөлік сатып алу үшін жеке тұлғаға да ақша қажет. Банктер ерте кезден бастап ақшаны сақтаудан, есеп айырысудан басқа банк операциясының тағы бір үшінші түрі несие берумен айналысады.

Несие – несиегердің екінші тұлғаға, қарызгерге беретін ақшалай немесе заттай нысандағы қарыз ақшасы. Ол қатаң түрде белгіленген мерзім өткен соң белгілі пайыз төлеп қайтару шартымен беріледі. Қазір банктер ең тиімді коммерциялық пайыз мөлшерін ұсына отырып, ұзақ мерзімді және қысқа мерзімді несие беруде. Бірақ кез келген банк кепілдіксіз несие бере алмайды. Кез келген банк иесі несие ісінің мынадай қағидаларын естен шығармауы тиіс: кепілдік, мерзімділік, қайтарымдылық, төлемділік. Кепіл ретінде қозғалмайтын мүліктерді, құрал-жабдықтарды, құнды қағаздарды немесе сұранысқа ие тауарларды пайдалануға болады. Ұсынылған құжаттарды қарап, банктің несие комиссиясы сізге несие беру- бермеу керектігін шешеді



​