Автор - 1234561174
Ответ:
Дамир да, ике кулын очар кош кебек як-якка җәеп, аягын шудырып кына каршы якка чыга башлаган иде. басма уртасына җитәрәк, малайның радар җайланмасы кебек үткен колагы бик әкрен, бик зәгыйфь кызганыч аваз ишетте: чокыр төбендә бәләкәй генә чем-кара кечек өскә чыгарга азапланып ята икән. Өч аягында титаклап, әле бер читкә, әле икенче читкә йөгереп китә. Әйләнеп килә дә стена кебек текә һәм биек ярга сикерә. Тик кая инде аңа бу тирән чокырдан чыга алу! Сикергән саен, йомгак кебек тәгәрәп, елый-елый егылып төшә. Дамирга ул бик кызганыч булып күренде. Аны-моны уйлап тор-мады малай, аска сикерде. Әллә туңудан, әллә куркудан калтыранган җан иясен күтәреп алды. Бик матур көчек иде ул. Ап-ак түше кара костюм эченнән күренеп торган ак күлмәккә охшый иде. Матай аңа Актүш дип эндәште. — Син монда ничек төштең соң. Актүш? Сөйләшә белми иде шул Актүш. Әгәр сөйләшә белсә, бер усат малайның канауга төртеп төшерүен, егылганда пыялага тәпие киселүен, хәзер бик-бик авыртуын әйткән булыр иде. Дамирның да вакыты бик тыгыз иде. Көчекне иркәләп торса, дәрескә соңга калачак. Бу хәтле тирән канаудан менәсе дә бар бит әле. Шулай да Актүшнең кап катыш балчык каткан яралы тәпиен кулъяулыгы белән бәйлән куярга өлгерде
Взято из: https://tatar16.ru/tatarcha-izlozhenie-aktush/
Объяснение: